ကြယ်ငါး
"ကြိုးစားကြည့်ဖို့၊ စမ်းကြည့်ဖို့သာ အရေးကြီးတယ်။ အပြင်ပန်းကြည့်ဖို့အားဖြင့် အောင်မြင်တာ၊ ကျရှုံးတာတွေက အရေးမကြီးဘူး"
ရောဘတ်ထီဘိုဒေါ
တစ်ခါတုန်းက ကျွန်တော်တို့ရဲ့ မိတ်ဆွေတစ်ယောက်ဟာ လူသူရှင်းလင်းနေတဲ့ မက္ကဆီကိုကမ်း ခြေတစ်ခုမှာ နေ၀င်ချိန်ကိုခံစားရင်း လမ်းလျှောက်ထွက်ခဲ့တယ်။ သူလျှောက်လာခိုက် သူနဲ့ခပ်ဝေးဝေးမှာ ကုန်းကုန်းကွကွ လုပ်နေသူတစ်ယောက်ကို သူသတိပြုမိတယ်။ အဲဒီလူရဲ့ ခပ်လှမ်းလှမ်းကိုသူရောက်တော့ အဲဒီ လူဟာ မက္ကဆီကိုနိုင်ငံသားတစ်ယောက်ဖြစ်ပြီး သဲပြင်ပေါ်က တစ်စုံတစ်ရာကိုကောက်ယူလိုက်၊ ရေထဲပစ်လိုက်လုပ်နေတာကို ကျွန်တော်တို့ရဲ့မိတ်ဆွေမြင်လိုက်ရ တယ်။ အဲဒီလူအနား ပိုပြီးတိုးကပ်မိတဲ့အခါမှာတော့၊ အဲဒီလူဟာ သဲပြင်ပေါ်က ကြယ်ငါးလေးတွေကို ကောက်ယူပြီးရေထဲပစ်နေတယ်ဆိုတာ ရှင်းရှင်းလင်းလင်းမြင်လိုက်ရပါတော့တယ်။
မြင်ကွင်းကြောင့်ကျွန်တော်တို့မိတ်ဆွေ ခေါင်းရှပ်သွားတယ်။ ဒါနဲ့သူဟာ မက္ကဆီကန်အနားကိုကပ် ပြီး " ကောင်းသောညနေပါဗျာ။ ဒါထက်ခင်ဗျားဘာလုပ်နေတာလဲဟင်" လို့မေးလိုက်တယ်။
မက္ကဆီကန်က ပြန်ဖြေတယ်။ " ကြယ်ငါးတွေကို ရေထဲပြန်လွှတ်နေတာပါဗျာ။ သူတို့တွေကရေလှိုင်းနဲ့ပါလာ ပြီး သောင်တင်နေကြတာလေ။ ခဏနေလို့ မှ ရေထဲကိုပြန်မရောက်ရင် ဒီကောင်တွေ သေကုန်ကြမှာဗျ "
"ကျုပ်နားလည်ပါပြီ။ ဒါပေမယ့် ဒီကမ်းခြေပေါ်မှာ ကြယ်ငါးတွေက ထောင်နဲ့သောင်းနဲ့ချီပြီး ရှိတာမဟုတ်လား။ ဒါ့အပြင် ဒီကမ်းရိုးတန်းတစ်လျှောက်မှာ ကမ်းခြေတွေက ဒုနဲ့ဒေး ။ ဒီတော့ကြယ်ငါးတွေ မရေမတွက်နိုင်အောင်ရှိနေမှာပေါ့။ဆိုတော့ အခုခင်းဗျားရဲ့လုပ်ရပ်က ဘာထူးမှာလဲ "
ကျွန်တော်တို့ရဲ့မိတ်ဆွေက အဲသလိုထပ်ပြောတော့ မက္ကဆီကန်ကပြုံးတယ်။ ပြီးတော့သဲပြင်ပေါ်က ကြယ်ငါးတစ်ကောင်ကိုကောက်ယူပြီး ရေထဲပစ်လိုက် တယ်။ မပစ်ခင်သူပြောလိုက်သေးတယ်။
" ဒီအကောင်အတွက်တော့ကျုပ်ရဲ့လုပ်ရပ်ကထူးမှာ အသေအချာပါပဲ " တဲ့။
( One at a Time by Jack Canfield and Mark Victor Hansen)
မိုးအိမ်
( အမှတ် (၃၄)၊ ၂၀၀၅၊ စက်တင်ဘာလ ၊ ၆ရက်နေ့ထုတ် ဖတ်စရာဂျာနယ်မှကောက်နတ်ဖော်ပြခြင်း ဖြစ်ပါသည်။)
No comments:
Post a Comment