စာရိတ္တမာန
ကျွန်တော်တို့ငယ်စဉ်က ဆဋ္ဌမတန်းအထိ မြန်မာစာဖတ်စာကို သင်ကြရသည်။ ဖတ်စာနှစ်မျိုးရှိ
သည်။ ခြင်္သေ့ဖတ်စာနှင့် ဒေါင်းဖတ်စာတို့ဖြစ်သည်။ သက်ဆိုင်ရာဆရာများက မိမိတို့နှစ်သက်ရာ ဖတ်စာကို
ပြဋ္ဌာန်းကြသည်ဖြစ်ရာ ကျွန်တော်တို့က ဒေါင်းဖတ်စာကို သင်ကြရသည်။ တတိယတန်းဖတ်စာတွင်ပါသော
ရိုးဖြောင့်သူတစ်ယောက်အကြောင်း ဆိုသည့် ၀တ္ထုလေးကို ကျွန်တော် ယခုထက်တိုင်စွဲအောင်မှတ်မိနေ
သည်။
စာဖတ်သူလည်းကျွန်တော်လိုပင် မှတ်မိကောင်းမှတ်မိနေပါလိမ့်မည်။ ဖတ်ခဲ့ပြီးမှတ်မိနေပါသည်ဆို
လျှင် စာဖတ်သူ၏ အသက်မှာ အနည်းဆုံးခြောက်ဆယ်ဝန်းကျင်လောက်ဖြစ်နေလောက်ပါပြီ။
တက္က္ကသိုလ်ဆရာကြီးက သူ၏တပည့်များအနက်မှ သမီးအတွက်ခင်ပွန်းလောင်းတစ်ယောက်ကို
ရွေးချယ်လိုသည်ဖြစ်ရာ တပည့်များအား မိမိတို့အိမ်မှ အဖိုးတန်ပစ္စည်းတစ်ခုကိုမည်သူမျှမသိစေအောင်
ယူလာခဲ့ရမည်ဟုမှာကြားစေခိုင်းလိုက်သည်။ တပည့်အသီးသီးက ကျောက်မျက်၊ သန္တာ၊ ရွှေ၊ ငွေ၊ ပုလဲ၊ လည်ဆွဲ၊ လက်ကောက်စသည်အားဖြင့် ယူလာခဲ့ကြသည်။ တစ်ယောက်သောတပည့်ကမူကား ဘာကိုမျှ
ယူမလာခဲ့ချေ။ ဆရာကြီးကအကြောင်းခြင်းရာကို မေးမြန်းကြည့်လိုက်တော့ ထိုတပည့်က " ဆရာကြီးက မည်သူမျှမသိအောင်ယူခဲ့ရမည်ဟုမိန့်မှာခဲ့ပါသည်။ ထို့ကြောင့် ယူလို့မရပါ၊ အခြားသူများ မသိအောင် ယူရန်ဖြစ်နိုင်ပါသော်လည်း ကျွန်တော်က သိနေပါသည်။ ကျွန်တော့်ကိုယ်ကျွန်တော် မသိအောင်ယူရန် မဖြစ်နိုင်ပါ " ဟုဖြေကြားလေသည်။ ဆရာကြီးက ထိုတပည့်အား သမီးနှင့် ထိမ်းမြားပေးလိုက်လေသည်။
ထိုဝတ္ထုလေးမှာ ဒဏ္ဍာရီပဲလား၊ နိပါတ်တော်ပဲလား ကျွန်တော်သေချာမသိပါ။ သို့သော် ကျွန်တော့်
လိပ်ပြာထဲမှာ စွဲသွားခဲ့ပါသည်။ ကိုယ့်လိပ်ပြာကို ကိုယ်လှည့်စား မရနိုင်ကြောင်း သိခဲ့သည်သာမက ထိုလိပ်ပြာကပင်ကျွန်တော့်သမာဓိကိုယနေ့တိုင် စောင့်ထိန်းပေးနေခဲ့သသည်ဟု ယုံကြည်မိပါသည်။
*
နောက်တစ်ခု ပြောချင်ပါသေးသည်။
စာစောင်လေးတစ်ခုတွင်ဖတ်ခဲ့ရခြင်းဖြစ်ပါသည်။ ဘယ်စာစောင်လဲဆိုတာကို မမှတ်မိတော့သော်လည်း ထိုဖြစ်ရပ်ကိုတော့ဖြင့် မမေ့တော့ပါ။ စာရိတ္တကိုယ်ကျင့်တရား ရိုးဖြောင့်မှုအတွက် တကယ့်ဖြစ်ရပ် စာတမ်းပြိုင်ပွဲတွင် ပထမဆုရသည်ဟု မှတ်မိနေပါသည်။
သူငယ်ချင်းနှစ်ယောက်က တစ်ယောက်က ခရီးသွားရမည်ဆိုတော့ တစ်ယောက်ကဘူတာကိုလိုက်
ပို့သည်။ ဘူတာရောက်မှ ထီလက်မှတ်ရောင်းနေသည်ကိုတွေ့ရသောကြောင့် တစ်ယောက်တစ်စောင်စီထိုး
ကြသည်။ မီးရထားက စတင်ထွက်ခွာနေပြီဖြစ်သောကြောင့် " သူငယ်ချင်းရေ ငါ့လက်မှတ်ကိုမင်းပဲသိမ်း
ထားလိုက်တော့ " ဟုပြောပြီး ရထားပေါ်ပါသွားတော့သည်။ အတန်ကြာတော့ ထီလက်မှတ်ယူထားခဲ့သည့်
သူငယ်ချင်းက သူ့သူငယ်ချင်း၏ လက်မှတ်ကထီပေါက်နေကြောင်းပြောပြီး လက်မှတ်ကိုပေးသည်။ ထီဆု
ငွေက နည်းနည်းပါးပါးမဟုတ်၊ သူဌေးလေးဖြစ်လောက်အောင်များသည်။ထီလက်မှတ်ပေါ်တွင် ဘာနာမည်
အမှတ်အသားမျှရေးထားသည်ကို မတွေ့။ နျစ်စောင်လုံးတွင် ဘာအမှတ်အသားမျှမရှိ။ သို့ပါလျက်ဘာ
ကြောင့် သူ့ထီလက်မှတ်က ပေါက်ပါသည်ဟု ပြောနိုင်လေသလဲ မေးကြည့်သည်။ သူငယ်ချင်းက
" ငါက ထီလက်မှတ်ပေါ်မှာ တော့ ဘာမှရေးမထားဘူး၊ စာအိတ်တစ်အိတ်စီခွဲပြီးထည့်ထားတာ။ စာအိတ်ပေါ်မှာတော့ဖြင့် မင်းနာမည် ငါ့နာမည် ရေးထားသေးတာကိုးကွဲ့"
တကယ့်ဖြစ်ရပ်ဆိုသည့်အတိုင်း တကယ်ဟုတ်သလား၊ မဟုတ်ဘူးလားကျွန်တော်မသိပါ။ သို့သော် ထိုထီလက်မှတ်ထိန်းသူငယ်ချင်းကိုတော့ကြည်ညိုနေမိသည်မှာ အမှန်ဖြစ်ပါသည်။
*
တစ်ခါသော် ရှင်သာရိပုတ္တာ မထေရ်ကြီးသည် အခြားရဟန်းတစ်ပါးနှင့်အတူ သီတင်းသုံးနေ
ရသည်။ တစ်နေ့သော် ထိုအတူနေရဟန်းကြီး၏ မုန့်ချိုထုပ်ကိုတွေ့မိရာ ရဟန်းကြီးကလည်း အချိန်မီ
ပြန်မရောက်လာသောကြောင့် မုန့်ချိုအချိန်လွန်ကာ အလဟသ ပျက်စီးမည်ဟုအောက်မေ့ကာ မုန့်ချိုကို
ယူ၍ ဘုဉ်းပေးလိုက်မိသည်။ ရဟန်းကြီး ပြန်ရောက်လာသောအခါ အခါလွန်ပြီးမုန့်ချိုပျက်စီးအံ စိုးသော
ကြောင့် ဘုဉ်းပေးလိုက်ကြောင်းပြောပြသည်။ ရဟန်းကြီးက " ချိုသောအရသာကိုမမက်မောသူ အဘယ်
မှာရှိအံနည်း " ဟုဆိုသည်။ ရှင်သာရိပုတ္တရမထေရ်သည် " ယနေ့မှစ၍ ငါ၏ အအူအခွေတို့သည် မွတ်သိပ်
သည်ဖြစ်၍ ပြင်ပသို့ထွက်ပြီး ကျတ်စားလိုက ကျတ်စားစေတော့ ငါမူကားမသင့်မအပ်သော အစာတို့ကို
မစားတော့ပြီ " ဟု အဓိဋ္ဌာန်ပြုတော်မူသည်။
ကျွန်တော်ရင်ထဲတွင် ထိခိုက်လှသော စကားမှာ " ငါ၏အအူအခွေတို့သည် မွတ်သိပ်လှသည်ဖြစ်၍
ပြင်ပသို့ထွက်ပြီး ကျတ်စားလိုက ကျတ်စားစေတော့ " ဟူသော စကားထက် ပိုမိုပြီး ကျွန်တော့်ရင်ကို ထိခိုက်ပါသည်။
*
ခေတ်ပျက်သူဌေး၊ဖောက်သယ် ဟူသော စကားများကိုယနေ့ခေတ် လူငယ်များ ကြားဖူးတော့
မည် မထင်ပါ။
ခေတ်ပျက်သူဌေးဆိုသည်မှာ ဂျပန်တက်လာသောအခါတွင်လည်း ဂျပန်နှင့်သင့်အောင်ပေါင်း၊
ဘီအိုင်အေဗိုလ်တွေနှင့် ပလဲနံပသင့်အောင်လုပ်ပြီး သင့်သလို ကြီးပွားတတ်သောသူများဖြစ်ပါသည်။
ဖောက်သည်ဆိုတာကတော့ ခေတ်ပျက်ကြီးထဲ အစောင့်လူသူကင်းမဲ့နေသည့် အိုးအိမ်တိုက်တာများကိုဖောက်ပြီး သယ်ယူတတ်သူများဖြစ်ပါသည်။ ဖောက်ရာပါပစ္စည်းများကို သိမ်းကျုံး
ဝယ်ယူပြီး တစ်ဆင့်ရောင်းချလျက်ပြောင်ပြောင်လက်လက်ဖြစ်လာတတ်သော ခေတ်ပျက်သူဌေးများလည်း
ရှိတတ်ပါသေးသည်။
သူတို့သည် များသောအားဖြင့် ပညာအခြေခံနည်းကြသည်။ သို့သော် လူရေးလူရာပါးနပ်ကြ
သည်။ ရပေါက်ရလမ်း အကွက်မြင်၍ လျင်မြန်သွက်လက်ကြသည်။
ကျွန်တော့်ဆရာတောင်တွင်းကြီးဆရာကျော်စိန်ပြောဖူးတာလေးတွေကို ထည့်ပြီးရေးလိုက်ချင်
သည်။ ကျွန်တော်ငယ်စဉ်က မှတ်သားခဲ့ရသောကြောင့် ယနေ့ခေတ်လူငယ်များအား လက်ဆင့်ကမ်းသော
သဘောဖြစ်ပါသည်။
" အောင်သင်းရ အဲဒီလိုလူမျိုးတွေကို ဘယ်တော့မှ အားမကျနဲ့ကွ။ သူတို့ရတဲ့ ငွေကြေးပစ္စည်းဆိုတာတွေက ပြသဒါးငွေတွေကွ။ ရတဲ့အခိုက်မှာ တော့ ကုန်းလားရုန်းလား
ပြသဒါး ဆိုသလို ဖောဖောသီသီကြီးရတာပေါ့။ အဲ နောက်တော့လဲ လောင်ားပြောင်လား ပြသဒါး ဆိုသလို
ခဏရှိရင် ကုန်သွားတာပဲ။ ဒီလိုလူမျိုးတွေ မြို့တိုင်း၊ ၇ွာတိုင်းမှာ ရှိတတ်ကြတာပဲ။ သူတို့ဟာ မြို့ရွာရဲ့ ပြဒါး
တိုင်ပဲ။ သူတို့ကောင်းစားနေရင် ခေတ်မကောင်းသေးဘူးလို့သာ အောက်မေ့ရော့။ ခေတ်လဲပြန်ကောင်းလာ
ရော သူတို့လဲမွဲတေသွားတာပဲ။ သူတို့ဘာသာသူတို့ ဘန်ဘောက်လုံချည် တရွှမ်းရွှမ်း စိန်လက်စွပ်တ၀င်း
ဝင်း ဘယ်လိုကြီးပဲဝတ်လာလာ ဘယ်သူကမှ အထင်မကြီးဘူး။ ဘယ်လိုလုပ်ပြီးကြီးပွားလာတယ်ဆိုတာကို
အားလုံးက သိနေကြတာမဟုတ်လား"
ကျွုန်တော့်ဆရာ သခင်ကျော်စိန် ရယ်မောပြောခဲ့တာတွေပါ။
*
ယနေ့လူငယ်များသည် ကျွန်တော်တို့ငယ်စဉ်ကထက် ဥာဏ်ရည်လည်းသွက်လက်၊ ပညာလည်းထက်မြက်၊ အဘက်ဘက်တွင်သာလွန်၊ သတ္တိလည်းချွန်ကြပါသည်။ သို့သော်-
" ဥာဏ်ရှိယောကျာ်း၊ မှားလတ်သောခါ၊ ဆေးလွန်နာကို၊ ဆရာနောက်ဆက်၊ အကုခက်သို့၊
ဖျက်၍အမြဲ၊ ပြင်နိုင်ခဲ၏"
ဟူသောစကားကဲ့သို့ ထက်မြက်သူတို့ပျက်သွားလျှင် ပြင်၍ မရအောင်ဘ၀တုံးသွားတတ်သည်။
သည်တော့မာနကြီးဖို့လိုပါသည်။
စာရိတ္တမာန ခိုင်မာကြီးရင့်ဖို့ လိုပါသည်။
" ငါ၏ အအူအခွေတို့သည် မွတ်သိပ်သည်ဖြစ်၍ ပြင်ပသို့ထွက်ပြီးကျတ်စားလိုက ကျတ်စားစေ
တော့ " ဟူသော စကားကို နားစွဲဖို့လိုသည်ဟုထင်ပါသည်။
ပြသဒါစည်းစိမ်ကို အာကျမက်မောခြင်းမရှိ ပြုံးစိစိ လုပ်တတ်အောင် သတိရှိကြသင့်ပါသည်။
ဆရာအောင်သင်း(၃ု-၉-၂၀၁၀)
( စာရိတ္တမာနစာအုပ်မှ ကောက်နုတ်တင်ခြင်းဖြစ်ပါသည်။ )
No comments:
Post a Comment